Servizo de asesoramento xurídico e orientación en estranxeiría
Atención e asesoramento legal gratuíto para a regularización administrativa, tramitación de estranxeiría e protección de dereitos en Ferrol.
En que consiste o servizo
O Servizo de asesoramento xurídico e orientación en estranxeiría do Patronato Concepción Arenal ofrece información, orientación e apoio legal especializado a persoas e familias que precisan resolver dúbidas ou realizar trámites normativos e administrativos en España.
O obxectivo principal é garantir o acceso á información, previr situacións de irregularidade sobrevida e protexer os dereitos fundamentais dos colectivos máis vulnerables.
Entre as principais accións de orientación técnica destacan:
- Trámites de estranxeiría e regularización: Información e acompañamento na xestión de autorizacións de residencia e traballo, renovacións, arraigo (social, laboral, para a formación e familiar) e reagrupación familiar.
- Solicitudes de protección internacional e asilo: Asesoramento sobre os procedementos e dereitos das persoas solicitantes de asilo e protección internacional.
- Nacionalidade e documentación: Orientación sobre os requisitos e expedientes para a adquisición da nacionalidade española por residencia.
- Orientación xurídica xeral: Asesoramento inicial sobre dereitos laborales, vivenda e procedementos administrativos ante organismos públicos.
A quen vai dirixido
Este servizo está dirixido a persoas migrantes, solicitantes de protección internacional e usuarios/as en situación de vulnerabilidade social que residan no concello de Ferrol e a súa comarca.
📌 Solicitude de información e cita previa
Para recibir atención ou realizar unha consulta xurídica previa co noso equipo especializado, podes contactar a través do seguinte enlace: